असार ९ र १० गते नेपाली टिभीमा विदेशी च्यानल बन्द | क्लिन फिडको विरोधमा उत्रिए टिभी सेवा प्रदायक

0

सरकारद्धारा प्रस्तावित विज्ञापन ऐन २०७६ को विरोधमा टेलिभिजन सेवा प्रदायकहरु आन्दोलित भएका छन् । विधेयकमा उल्लेख भएको विदेशी च्यानलमा क्लिन फिड नीति लागु हुनुपर्ने प्रावधानलाई उनीहरुले अव्यवहारिक बताएका छन् । क्लिन फिडको अर्थ टिभीमा प्रसारण हुने विज्ञापनमा स्वदेशी प्राविधिक र कलाकारको सीप, क्षमतासहितको विज्ञापन बन्नुपर्ने भन्ने हो ।

यो ब्यबस्था लागू गर्दा हुन आउने परिस्थितिबारे जानकारी गराउन इन्टरनेट तथा डिजिटल टिभी समन्वय समिति र नेपाल केवल टेलिभिजन महासंघले असार ९ गते दिउँसो १२ बजेदेखि असार १० गते १२ बजेसम्म बिज्ञापन प्रशारण हुने विदेशी च्यानलहरु बन्द हुने गर्ने भएको छ ।

नेपालमा प्रसारित च्यानलहरु मध्ये ८५ प्रतिशत च्यानलहरु विदेशी छन् । इन्डियन ब्रोडकास्टर फोरमले नेपाललाई मात्रै क्लिन फिड दिन व्यवहारिक र व्यवसायिक रुपमा असमर्थ हुने उल्लेख गरेको अवस्थामा डिजिटाइजेसनको क्रममा रहेको डिजिटल टिभी व्यवसायको अर्बौं रुपैंयाको लगानी डुब्ने र संविधानले दिएको सूचना तथा मनोरञ्जनको हकबाट नेपाली जनता वञ्चित हुने महासंघको दावी छ ।

नेपाल सरकारले चाहे जस्तो नियम लागु गर्दा नेपालमा सर्वाधिक रुचाइएको च्यानलहरु कलर्स, स्टार प्लस, जी टीभी लगायतका सम्पूर्ण मनोरञ्जनात्मक च्यानलहरुका साथै खेलकुद प्रेमीहरुले मन पराएका फुटबल, क्रिकेट लगायत अन्य खेलहरु प्रशारण गरिने स्टार स्पोट्र्स, सोनी टेन लगायतका च्यानलहरु पनि नेपाली जनताले हेर्न नपाउने महासंघले जनाएको छ ।

Share.

About Author

Leave A Reply